歌手蘇永康（阿公）、杜德偉（Alex）、梁漢文（Edmond）、劉倩婷及雷頌德（Mark）昨日到薄扶林出席為視障人士籌款的步行活動，阿公及Alex更帶同囝囝現身。
阿公受訪時坦言住在盲人院暨學校附近，加上囝囝Jazz很喜歡望車，所以經常見到盲人院的橫額，故主動提出幫忙。問到可有擔心囝囝扭計？他認為問題不大：「佢一喊我就知咩事，係熱同曬咋嘛，我會即刻拎佢去第二邊。」Alex則多謝阿公讓囝囝AJ首次做善事，但本身並不打算帶囝囝出席，擔心影響大家進度：「不過佢狀態好好，兩個BB之前未見過面，可以見吓，同埋畀佢見吓世面。」
Mark掛住玩
Mark透露太太前一晚睡得不好，要在家休息，他很難獨自帶三個小朋友到場：「所以我自己嚟。（有冇湊仔經教另外兩位爸爸？）冇呀， 淨係幫手捉住玩！」此外，Edmond原來誤會該活動要行山，他笑說：「蘇永康話喺水庫行一圈，原來喺呢度行去水庫叫一圈！」阿公指他們平時會行上太平山頂，大約用一個小時完成：「許志安話我行山有冇搞錯，我話佢唔識歎！」Alex笑指安仔只會跑沙灘。
梁漢文（左起）、杜德偉、蘇永康及劉倩婷一同出席慈善步行活動。
(東方日報)
