現年35歲嘅藝人賈曉晨（JJ）上月為老公樊少皇誕下囡囡「小飯兜」，當時樊少皇上載咗張JJ喺窗前抱住囡囡嘅合照，宣布榮升為人父。而JJ現時喺屋企專心坐月，同埋照顧剛出世嘅「小飯兜」，相信仲忙過拍劇，難怪JJ連社交網都少咗更新。
頭先JJ喺社交網上載咗張相，留言話自己正在坐月中，相中見到JJ都喺窗前抱住囡囡，雖然淨係見到囝囝對腳仔，但係已經感受到份母愛！有網友話張相同樊少皇公布「小飯兜」出世嘅相好相似，估計都係出自「愛妻號」樊少皇嘅手筆，大讚拍攝風格好優美！網民亦見到JJ容光煥發，而且面尖尖，相信已經火速收身成功。
賈曉晨大晒母愛！
賈曉晨同老公樊少皇（資料圖片）
(ON.CC)
