十優港姐麥明詩的媽咪麥何小娟，就女兒自爆被性侵犯一事，回覆周刊，她語調平和，指麥明詩當年在大陸被性侵犯後回港有告知她，她說：「我係知，但其實唔係啲人諗到咁恐怖，細路女唔識保護自己，佢有同我講，係好唔開心，性侵係好多層次，唔使擔心。（佢係受到較輕微嗰種性侵？）以我所知係，經一事長一智，細節唔講，佢自己都冇講。（除咗交流嗰次，另一次發生喺幾時？）唔講喇，等佢自己講。（佢有冇畀人強姦？）以我所知唔係咁大件事，喺𨋢度發生，佢講嘅係事實，畀人抽水，人哋夾硬嚟。（有冇叫佢報警？）正如佢所講喺大陸發生，我知嘅時候佢已經返咗香港。」
明白阿女想幫人
她說初初聽到女兒在facebook發文時也感到很愕然，但看完女兒的發文後便明白，她說：「我知佢心諗乜，好耐之前佢已經講想將自己學到嘅法律知識去幫人，教人點樣去保護自己，覺得佢係想幫啲唔同嘅受害人，因為有啲人會受到更嚴重嘅性侵，呢個係佢抱負，依家有時佢都會寫啲法律觀點。」
(東方日報)
