吳綺莉寓所發生失竊事件，事後女兒卓林亦承認曾返過屋企攞嘢，令母女關係一度緊張。
不過之後卓林18歲生日，吳綺莉亦有為女兒慶生，二人關係似乎好轉！
吳綺莉突然有感而發，喺社交網站上載咗兩張舊相。
吳綺莉留言話：「十八九歲的自己，傻過妳好多，當四十歲的我都還給别人戲弄，所以還能怪妳什麼。」佢表示大家嘅情況都係一樣，仲話：「但希望妳不用等到四十五歲才明白。」
咁啱卓林啱啱過咗18歲生日，令唔少網民都估吳綺莉講緊嘅就係卓林。而吳綺莉亦喺回應網友時提到「想深一層她是我帶大的，我四十多歲才開始長大，還能怪她什麼」，直認自己擔心緊卓林！
（on.cc 東網）
