名模熊黛林（Lynn）自宣布懷孕嘅消息後，都未有停低工作，仲不時飛嚟飛去，做空中飛人。今日Lynn又飛喇，仲喺網上晒出一張喺機艙內嘅自拍照，心情大靚仲話：「像小孩子去秋遊一樣，好開心！好興奮吖！」見到佢咁開心，好多網民都問佢今次又去邊度玩。
原來Lynn去咗台灣，仲喺社交網上載多張食麻辣火鍋嘅相，並留言：「台灣的麻辣火鍋，我不客氣了！開吃咯！」嘩！個火鍋咁豐富，隔住mon都覺得正，難怪Lynn食得咁滋味啦！
唔少網民都話Lynn懷孕後塊面依然面尖尖，真係令人羨慕，不過大家都叮囑有喜嘅Lynn都應該要忍口，少食辣嘢為妙呀！
Lynn又飛喇。
去咗台灣。
食得好滋味。
(ON.CC)
