無綫花旦岑麗香（香香）十一月中剛度過33歲生日，去年十二月她與拍拖多年的男友Joshua（強強）於溫哥華結婚後，兩人下月便結婚一周年，最近有指香香為了急趕生B而推掉新劇，索性抖一抖與老公積極造人。
而最近忙於宣傳新劇《溏心風暴3》的香香，日前於黃大仙出席活動後，由女同事陪同下，乘七人車趕往九龍城睇骨醫，原來近年劇接劇的她捱到五勞七傷，最近連腰骨及手指公也受傷，急趕生B的她為了調理身體，要急急「啪」直腰骨兼急救「指公」。
香香下車後急急腳步往附近一幢唐樓，見記者在場即友善揮手打招呼，並主動表示：「我要上去睇骨醫，因為我條腰骨有啲歪，所以要啪番直，同埋之前拍戲整親隻手指公，都要做小小物理治療，不過冇乜事嘅。」
期間提到她最近頻頻傳出有喜，香香笑笑口說：「冇呀，我都唔係大肚。多謝大家關心！真係有BB會話畀大家知。」說罷香香便匆匆上樓，逗留約兩小時才離開，急步上車。
(東方日報)
