藝人鄧麗欣（Stephy）、周秀娜（Chrissie）及導演火火到電台宣傳新戲，講到另一主演樂基兒被困峇里，他們表示不知情，但謂她會出席下周二的首映。
Stephy表示電影是關於大婆、小三、小四，剛才在電台節目中都是圍繞愛情話題，她自言不愛吵架，會與男友講道理，火火即笑言女人話講道理即是講歪理，很多女人都是「黑氣王」，發嬲時會對男友黑面冷淡， Stephy亦笑言沉默是女人最強的攻擊武器，有時道氣未落唔想講住，亦謂：「有時其實等佢攬我或錫我就會冇事，但如果佢一直唔做就一直嬲，等佢估中為止，但通常佢都估唔到。」
Chrissie亦謂：「有時啲度氣落唔到，乜嘢都講唔到，一講就會爆發，我都唔鍾意嗌交，嗌交冇好結果。（你有咩撒手鐧要男人氹番你？）如果去到咁嘅情形，一定係有問題發生或者佢有唔好，如果去到咁嘅地步，佢都唔知發生咩事應該要睇醫生，我會等自己落嗰度氣先。」火火就謂除非有證據，否則男人只會扮傻。講到戲中他們一發現另一半有外遇時，就會直接開戰，比較灑脫，Stephy亦表示遇到問題一定直接講：「唔會攤，一攤問題只會愈滾愈大，如果好似套戲咁畀我一次過知道個結果，我唔會拖，會馬上斷。Chrissie亦謂：「我都要解決，屈住屈住兩個人相處只會谷住，我都唔會拖，如果唔係自己咪好冇面，好對唔住自己曾經對佢咁一心一意。」
唔會避開小牛
另外，講到Stephy被東網踢爆媽媽要她與台灣女排教練小牛分手，她表示：「吓，完全唔知點解有呢個報道，我同小牛不嬲都係朋友，其實我哋一直都有聯絡，最近佢排球隊有紀錄片首映，我都有同朋友去支持。（媽咪知道你同佢係朋友？）係呀，知道係朋友，因為我知道大家會聯想好多嘢，所以我唔刻意喺網上同佢有太多互動或po相，費事大家諗多同亂寫，但冇刻意避開唔同佢做朋友，冇必要。」
周秀娜、火火、鄧麗欣宣傳新片。
周秀娜
鄧麗欣
火火
(ON.CC)
