由當年在有線出道的李嘉馨（原名），短短數年轉戰TVB的李佳芯（Ali），初加盟時也都是由閒角，至及後密密拍劇的她演盡二奶、第三者等「邪花」角色，終於在去年起成為「女一」，更憑《踩過界》中”駕輕就熟”的角色演起，到結局情深緣淺覓得真愛的法官。雖然演技被評未及水準，但進步之快加上形象入屋，令觀眾十分受落。
近日更有網民於討論區發文，列出幾點讚揚Ali打破娛樂圈常規：唔貪錢唔貪靚仔，男友其貌不揚又冇佢咁紅；唔屈服於公司，高調拍拖兼同居；唔開工就唔化妝；唔搞小圈子。更揚言Ali呢種女仔係香港絕種，係男人嘅夢想。
帖文一出即引來大量正評，雖然有網民直指Ali男友陳炳銓唔靚仔，但係亦有人撐佢轉數快、口才好，仲夠高大。其實Ali拍拖都算低調，佢同男友公開嘅合照甚少，就算出街畀人影到，通常唔係行山就跑步。對於自己同男友被嘲係「美女與野獸」，佢曾經回應話自己幾鍾意睇《美女與野獸》，認為夠浪漫！
（SINA）
