已故歌手張國榮的胞姐張綠萍因病逝世，享年77歲。張綠萍是家中長女，雖然與身為家中孻子的張國榮年紀相差18載，但感情深厚，並一直視張國榮的另一半唐鶴德為家人。
張綠萍於1974年成為香港消費者委員會總幹事，是首任總幹事，她同時積極參與婦女界事務，她是前婦女事務委員會委員，也是「國際婦女論壇」的全球副會長，1978年更獲選為香港十大傑出青年。
張綠萍曾經歷過兩段婚姻，第二任丈夫麥法誠是前香港政府運輸司，兩人可謂不打不相識，當年張綠萍有意成為離島理民官，可惜申請被當年的上司麥法誠否決，她還因此投訴對方性別歧視，但緣分最終令兩人走在一起，而張綠萍與前夫則育有兩名女兒，其中長女麥嘉軒的丈夫是前香港中文大學校長劉遵義。
有周刊聯絡到長女麥嘉軒，她親口證實張綠萍於11月25日晚上在養和醫院因肺病去世。麥嘉軒表示母親走得很安詳，沒有任何牽掛：「佢走嘅時候，全家人都喺佢身邊，我妹妹喺英國定居，但都趕得切返嚟，見到媽媽最後一面。媽媽人生好精彩，可以話不枉此生，冇乜遺憾。（全家已經有心理準備？）係，因為媽咪喺2015年8月已經發病。（佢有冇咩遺言？）佢都話冇牽掛，冇乜嘢要交帶。（對媽咪印象最深刻係咩？）媽媽人生好精彩，好多朋友，佢對人生嘅態度好積極，雖然做人係有挫折，但佢唔會因為咁而放棄。佢好有上進心，會不斷改善自己，佢對朋友好大方，永遠只係見到別人嘅好。作為母親，佢係一個嚴格嘅母親，但我知都係為我哋好。」
麥嘉軒透露母親將於12月20日在香港殯儀館設靈，21日出殯，會以佛教儀式進行。
(東方日報)
