出爐金馬影后惠英紅甫從台灣回港，便出席英皇娛樂為她設置的慶功宴。剛斬獲影后殊榮的紅姐全程眉開眼笑，靚爆心情由台灣帶回香港。
老闆楊受成更自掏腰包送上6位數鑽石頸鏈作賀禮，讓她閃爆全場！惠英紅又望日後可以憑喜劇捧走影后獎座。
惠英紅喜獲楊受成送贈鑽石頸鏈
紅姐受獲的鑽石頸鏈
今年先後於台灣金馬獎及香港電影金像獎中，分別以《血觀音》及《幸運是我》贏得影后寶座，兩個截然不同的角色在紅姐爐火純青的演技下，均獲得絕對性的認同。計上之前的女配角獎，紅姐成功達成金像金馬所有女性演技獎都拿下的成就，是否已滿足呢？紅姐笑言：「雖然獎項喺屋企已經好齊全，但唔代表我唔想再攞。始終我覺得一個提名或者獎項係好大嘅鼓勵，我唔係貪心我只係想要一個認可。」相信只要紅姐不言休，演技獎都可以長攞長有，只因她是實至名歸的演技派。
紅姐在頒獎禮時便透露自己用了「非凡手段」，才得到《血觀音》棠夫人這個角色，再細問她過程與原因，她才指原來自己並非首選。「我都係近幾日先知，原來我係好多人之後嘅選擇。但睇劇本時我覺得真係好好，唔係常見嘅題材，同埋我當時已經有預感佢會幫我進入金馬。」紅姐獨具慧眼，預感亦成真！成日話演員係被動，但有時機會還真要自己爭取。不過有時好電影製作費未必夠，紅姐這幾年得獎無數，身價亦自然水漲船高，不過紅姐非常抵得諗。「都會遷就返製作費，希望唔會拉高經費。」最重要還是要有好劇本，片酬很高卻是大爛片，紅姐都未必會接。
