藝人岑麗香到將軍澳出席新劇《溏心風暴3》「溏心載譽風暴再起」晚宴，與一眾演員齊齊睇首播。講到早前推出「限奶令」，問到有否鏡頭遭刪剪？香香說：「應該冇，我見三點式都有出街呀！」香香又透露拍拖戲只有一場，後面都是感情戲，所有戲份都有向老公強強報告：「我乜都同佢講晒㗎！」
有指香香推卻新劇《BB來了》女主角之位而由李佳芯頂上，香香親認說：「係呀，推咗，因為我自己廣東話唔好，每次拎到劇本返到屋企都要時間去翻譯，已經先後拍咗40集《溏心風暴3》同30集《果欄中的江湖大嫂》，每日都要忙10到20個鐘，想抖一抖，令身體好啲，先可以令下一部演出好啲！我同公司傾過，會放吓假，都想聖誕節同新年可以返到加拿大探屋企人，但未知放到幾耐。」講到香香早前「被有喜」，今次放假可專心造人？她笑說：「唉呀！又講呢啲順其自然，交畀神，冇壓力嘅。」
ON.CC
