藝人林盛斌出席保溫瓶專門店開幕，提到他太太早前在社交網站上載了一張鋪滿食物的相，他說：「大家都叫我努力搵錢，我都有問佢點解買咁多，佢話平時早、午、晚同宵夜都食，個幾月就食晒，我哋連埋工人姐姐都8個人，啲嘢好快食晒，隔夜餸佢哋都食埋，我想食都冇。」
他坦言每次出門工作見到仔女玩的甜蜜場面就是他工作的動力，令他面對任何挑戰。問到有4個子女是否夠晒數？他直言：「夠晒，3個家姐好關心細佬，食完飯就爭住話要同細佬玩，因為佢哋見到細佬喺BB床，怕佢悶。（集萬千寵愛在一身？怕唔怕寵壞？）唔會，成屋女人，驚佢怕咗女人，都唔知第時佢怕女人定鍾意女人。」
(東方日報)
