賴慰玲出席好友陳嘉寶的婚宴，身穿黑色斗篷、粉紅色短裙、腳踏波鞋的她肚大如籮。
問到幾時預產期？她表示：「仲有十日八日，其實已經足月，都有諗如果陣間飲飲吓作動會點，應該幾刺激。」
問到老公有冇嚟？賴慰玲表示：「有呀，佢同新郎係friend，我都帶埋走佬袋嚟，擺喺車度，ready定，我希望BB係順產出嚟，其實我呢排出街都有諗如果行行吓街作動會點，應該好刺激。（唔驚？）唔驚，就係想睇吓有幾痛，人哋話斷肋骨係九級痛，生仔係十級痛。」
講到她是第12位隱藏版的姊妹，賴慰玲表示：「其實上個禮拜我都有諗過早上一齊去長洲，覺得踢橋好好玩，但尋日同老公商量完之後，佢唔想我咁攰，所以我就會陣間同佢哋一齊march in進場，但姊妹都好好，叫我唔好着高踭鞋，要着波鞋，同埋叫我行慢啲。」
她亦說BB對她好好，雖然重了30磅，但沒有腫到，很輕鬆。
（on.cc 東網）
