「跳水皇后」郭晶晶與老公霍啟剛帶同4歲兒子霍中曦參與慈善跑，賽前霍啟剛與兒子熱身拉筋，在起跑線三人手拖手。
郭晶晶受訪時表示首次與兒子及老公一同參與親子賽：「今日好凍，做咗熱身，平時周末都有同囝囝去戶外玩。（練習？）冇特別為今次而練習，等囝囝參與吓，我之前同老公都有跑，今次三個人一齊跑。」
她表示因囡囡霍中妍太細，所以沒有參與。
提到聖誕節，她表示會一家人去旅行，但未有透露地點。問到會否讓兒子拍真人騷，她表示：「唔會。（唔想佢曝光？）冇諗過，佢要返學好重要，好忙。（準備小學？）明年準備，都緊張。（係咪怪獸家長？）我都唔想係，但環境唔可以避免，要做啲準備。（囝囝怕你定老公？）怕爸爸多啲。」
(on.cc東網)
