【城嫂都唔例外】方媛幫囡囡儲定奶

天王郭富城（城城）自從做咗爸爸之後，每次提起愛女Chant都笑得好甜，而「城嫂」方媛亦樂做城城背後嘅女人，全力照顧囡囡，最近一次見佢公開露面已經係月頭嘅時候，當時佢係去撐老公主演嘅新戲！

今日方媛就喺微博上載新相，張相影住好多一包包似係奶粉嘅包裝袋，佢留言話：「每天幫寶寶多存一點糧食。來自媽媽的愛。」

有網民留言大讚方媛奶水足，不過亦有網民話呢啲包裝似係奶粉，不過點都好啦，最緊要Chant可以食飽飽，快高長大！

(on.cc東網)