胡諾言、楊卓娜、楊鎧凝噚晚喺灣仔香港演藝學院出席《聽你聽我弦動慈善音樂會2017》。 佢哋都會喺台上講少少分享，胡仔話：「依家好似正能量大使咁，因為結咗婚，分享同屋企人相處。」胡仔要拍劇又要跑馬拉松，係咪同屋企人相處時間少咗？佢話：「咁太太(陳琪)湊女學嘢，工人姐姐就會湊住阿囝，我哋都好信任姐姐。」
講到下個月去馬來西亞跑22k馬拉松，佢話：「會盡力做，不過都要留力，明年準備參加渣打全馬。」咁會唔會叫太太一齊參加，佢話：「唔喇！好難，叫佢咪似拉牛上樹咁，唔鍾意運動，佢鍾意同粉絲交流，返到屋企我哋都冇咩好講，冇所謂，最緊要佢開心，自己除咗欣賞佢優點，一對夫妻要互相包容對方嘅缺點，先可以維持到永遠。」楊卓娜個女今年八歲，講到最近嘅校園暴力事件，佢話：「暴力就未遇過，不過，試過有引誘，有哥哥問佢借十幾蚊，我教佢借錢係咩一回事，要佢明白，女好叻，佢都追番嗰啲錢，子女教育好重要，要多溝通。」講到細妹楊怡，有堪輿學家話佢明年或出年有機會生小朋友，楊娜話：「戥佢開心，希望百分百準啦，生小朋友係一種緣份，唔駛刻意，適當環境心情就會有。」
今年初舉行的香港馬拉松，胡諾言首次挑戰全馬賽事，最終能在四小時內超額完成，他心中難掩興奮的心情，並坦言，「始終花了一年的時間去訓練，如果一星期我最少跑十公里，一個月我就已經跑了四十公里。」胡諾言不奢望自己可以做出驚天動地的表現，他話，「運動只不過希望能夠超越自己，希望在這個運動領域嘗試踏足，達到一個目標。」
(蘋果日報)
