魯文傑（Simon）曾於1997年的《鑑證實錄》擔當曾家喬一角，當時演主角的弟弟、戲份還算頗多，後來《迷離檔案》、《鑑證實錄II》都演主角弟弟的角色，本來以為會慢慢朝一線男主角進軍，沒想到後來戲份越來越少，從二線男主角慢慢變成重要的甘草演員。
自從2013年家中增添一兒魯煦耀（Jathan），加上星途事業未盡人意，近年來都積極「搵銀」賺錢。
今日就與鄭至芝等為12月24至31日於上環演出的合家歡舞台劇排練，飾演聖誕老人的他笑說角色被「燉冬菇」，因為故事講述聖誕節再沒有聖誕老人。Simon坦言不怕兒子投訴聖誕期間沒時間陪伴：「佢得3歲！但我會捉佢嚟睇騷，睇完咪同佢去街。不過唔緊要啦，我又唔係年年聖誕節都做騷，呢個好難得。」Simon透露囝囝曾入場看他做話劇，覺得爸爸做了壞人很奇怪：「我話只係做戲，佢都未明，但就冇喊。今次個劇嘅氣氛好開心，太太又會解釋畀佢聽，培養佢睇多啲戲。」
日常家庭照:
提到在無綫的發展不算順利，Simon直言不要人比人：「其實我鍾意舞台多啲，至於喺TVB好唔好？我去到一個位，做嚟做去都咁嘅！或者突然之間冇嘢做，突然又好多嘢做，搵錢又唔係真係好多。」對於成為男主角或爆紅，他認為不用想太多：「我鍾意舞台，知道個環境係咁多架啦，唔好話發唔發達，有啲錢咪做囉。」已經成家立室的他坦言要賺奶粉錢，現在不論舞台劇及劇集都會做：「冇諗過撈唔撈得掂，都要出嚟闖，做夠20年！」問到在無綫是否有限制？他指編劇和導演等都有限制，不是寫了劇本就一定有機會拍：「我同古明華會諗對白，但畀完導演之後，佢都係叫我哋講番原本嗰個，我會好嬲，但古佬會話『吸啖氣就做啦』。唔係話唔好，咪做囉。」
23/11/2017上環演出的合家歡舞台劇排練照片:
(東網)
