【網民：發夢都無咁早】Bob希望囡囡嫁畀「超級富二代」

林盛斌（Bob）同太太Pearl育有三女一子，所以阿Bob都要密密搵奶粉錢，養大4個小朋友。

呢日佢仲身兼母職，帶3歲囡囡林機兒（Kaye）去上堂跳舞添！

阿Bob上載咗張囡囡學跳芭蕾舞嘅相，佢仲好「感觸」諗定退休，話想阿女畀富二代溝咗，仲要「超級」嗰隻。

佢留言：「當機機有一日攞咗奧運金牌，然後有個超級富二代溝咗佢，跟住結婚又送幾層貝沙灣俾外父外母……咁我就可以退休嘞。」 ​​​​

網民都笑言叫佢：「今晚早d訓」、「發完夢未」，阿Bob夠鐘去開工喇！

(on.cc 東網)