陳嘉寶（Anjaylia）將於本周六與拍拖四年的初戀男友黃頌祈結婚，在洲際酒店舉行婚宴。
即將成為人妻的Anjaylia接受傳媒訪問時大講待嫁的感受。
「心情上仲係有啲迷濛，有好多嘢都未準備好，有少少不知所措，但我會盡量令自己放鬆啲。之前仲做緊嘢，未有時間去感受，今日開始放慢自己，去feel吓情緒。」
講到身形上Ready好未？Anjaylia就表示：「試裙嗰陣發現原來瘦咗好多，其實又唔係Feel到有好多壓力，但條裙試咗兩次，要愈改愈窄，裙舖話好正常，咁我都可以放肆繼續食零食同掃街，令自己減壓，鍾意食咩就食咩，做個開心新娘。」
她又指之前很少護理皮膚，直至近日才勤力敷Mask，希望屆時狀態更佳。
（on.cc 東網）
