【四大花旦激罕合體】原來連曾華倩都…

啲人成日都話圈中好難識到知心好友，不過藝人蔡少芬、朱茵同陳法蓉就Friend足多年，最估唔到係曾華倩原來同佢哋都好老友㗎，呢日佢哋仲相約聚會，同行仲有佢哋嘅圈外好友若蘭。

曾華倩事後上載合照至社交網，留言話：「難得幾位美女有空出來一聚。（其實，已經約了幾年了。哈哈….終於一聚! So happy ![愛你]」

而陳法蓉都有上載同一張合照，仲透露佢哋張合照係自拍嚟嘅，網民就讚佢哋唔只自拍技術了得，連保養工夫都好好，又話佢哋四大花旦同場非常難得！

(on.cc東網)