藝人郭羨妮（Sonija）到大埔超級城出席「Afro Ken爆炸狗百變聖誕Party」活動，與新鴻基發展（中國）執行董事馮秀炎在多個展區拍照。
身穿低胸裝兼露背的Sonija透露聖誕計劃與老公及五歲女兒到日本旅行，講到最近為女兒升小一的事情忙碌，Sonija表示心情超緊張：「11月27號就有消息公布，好緊張，到時一定心跳好快，前兩日都瞓唔着㗎喇！不過入唔到（第一志願）都唔緊要，最緊要讀得開心！（囡囡有冇緊張？）佢知自己要升學校，面試嗰陣都冇怕醜，好好玩咁。（藝人二代有冇着數？）都冇特別優待，公平待遇，其實有啲都即刻知唔得，惟有當係唔適合我個女。（有冇做啲咩催谷個女？）都係平時同佢溫測驗，都冇上面試班。（老公拎假？）又唔使，我一個都ok。」
講到有小一學童被欺凌的新聞，Sonija直言有擔心，因此會跟女兒多傾偈，希望她主動跟自己傾訴，不過又笑言女兒其實非常懂得social：「上跳舞班，佢一到場，個個都叫佢，我心諗佢好似明星咁嘅？佢都話唔知點解，可能佢個人好玩啩！」
(on.cc東網)
