佘詩曼（阿佘）雖然已經42歲，除咗一副童顏，但身材Keep得非常好零走樣！
日前就係佘媽媽67歲生日，阿佘就晒咗張母女合照，隔空祝福媽咪！
阿佘喺微博發文：「她是我的好朋友，她是我的至親，她是我的人生導師。今天的壽星女 我最愛的媽咪！祝永遠像28的你生日快樂身體健康遙遠的祝福！#我在哈爾濱#」
相中嘅佘媽媽一頭招牌銀髮化埋妝，容光煥發，網民都向佘媽媽送上祝福，大讚佢保養得宜！
其實阿佘同媽咪一向感情要好，有一次媽咪病重入院做手術，醫生仲話可能「唔會再醒」！幸好，佘媽媽如今非常健康，阿佘早前仲送樓送車報答媽咪養育之恩，又不時抽空享天倫樂，呢個女真係好孝順呀！
（on.cc 東網）
