陳茵媺（Aimee）同老公陳豪2016年4月追女成功後，一直專心照顧3個小朋友。
不過Aimee戲癮難忍，最近已經復出拍戲，仲夫妻檔出席活動搵奶粉錢！
今日一朝早，Aimee就喺Instagram上載Set頭相，而亮點就落喺做「監工」嘅Camilla身上噃！
相中嘅Aimee背脊對住鏡頭，見到有兩位專人為佢整頭同化妝，十足女王咁！
1歲半嘅紮咗噴泉頭嘅Camilla就坐喺媽咪大髀上，一面好奇又疑惑咁𥄫實媽咪化妝，仲望到皺晒眉咁，非常可愛又搞笑！
原來Camilla朝早5點已經「當值」，Aimee留言：「朝早5點化妝整頭，我嘅小天使陪住我！」
網民都大讚好Cute，仲笑言叫Aimee小心囡囡整花個妝，因為佢哋好奇又貪玩呀！
（on.cc 東網）
