名模熊黛林（Lynn）早前宣布造人成功，消息一出後，唔少網友都祝賀佢。雖然Lynn懷有身孕，不過仍不時同網友分享生活點滴。
今日，佢就喺社交網同大家分享去咗哈爾濱嘅相，仲留言表示：「從20幾度的香港來到了零下十幾度的哈爾濱，好想在結了冰的松花江邊拍，可是真的太冷了！ 」
相中見到Lynn由頭包到落腳，就知道天氣有幾凍，其中一張相仲見到着住毛毛大褸兼戴上墨鏡嘅Lynn嘟嘴賣萌，似乎心情非常靚，唔少網友都留言叮囑Lynn要小心身體，以免着涼。
另外，仲有網友大讚Lynn即使懷孕，塊面依然面尖尖，果然得天獨厚呀！
(on.cc東網)
