藝人胡杏兒產後復出現身Moncler活動，她表示仍欠幾磅先收身成功。剛坐完月的她被問到為何心急搵奶粉錢？她說：「我都冇諗咁快，諗住見孫儷。（老公叫你休息？）佢交畀我決定，我都怕悶，餵人奶都辛苦，冇得瞓，啲肥膏同水都畀晒佢，佢有12磅。（唔捨得BB？）會。（會唔會減產做全職媽媽？）長時間工作接唔到，都要餵人奶半年，鼓勵在職媽媽，會半兼職工作。」
提到她早前在班姊妹面前餵人奶？她直言：「係，好open，自己屋企方便，同姊妹好close ，我驚嚇親佢哋，好大（上圍），想感染佢哋都餵人奶。（上圍大幾多？）冇計，全餵人奶。」她透露老公湊仔叻，自己負責餵奶。
(東方日報)
