藝人林夏薇（薇薇）、蕭正楠及黎燕珊現身電視城，出席無綫新劇《十二傳說》落造型暨拜神儀式，薇薇拍完這個劇，將會暫時休息，準備造人。提到這齣暫別作，她說：「又唔好講到我好似告別唔做咁，我只係休息吓，我拍劇往往會百分之二百嘅精神投入晒，所以想喺家庭生活上取番個平衡！（係咪一拍劇就同老公保持距離？）哈哈，又唔係，不過好多時拍劇，日夜顛倒，夾唔啱時間就真嘅，連見面嘅機會都少。」
薇薇被問到老公是否對此有微言？她說：「應該係話我自己慚愧就真，好多時朋友聚會，佢哋講啲媽媽話題，我都跟唔上，佢哋猛叫我快啲生啦，我見佢哋又真係好開心嘅！（要生一仔一女，送畀老公做禮物？）一仔一女最好啦，但都急唔嚟，因為小朋友係上天恩賜嘅禮物！」
(東方日報)
