周家蔚及姚嘉妮今日帶埋小朋友一齊去到馬鞍山郊野公園，出席親子行山活動。周家蔚指老公洪天明忙大陸工作，未能一齊出席親近大自然，周家蔚說：「其實屋企都好近行山徑，只行出去20步就到，所以經常有機會行山接觸大自然同昆蟲等，學到好多嘢。」o依家大仔四歲半、細仔兩歲，正忙於為細仔準備搵幼稚園及面試，家蔚說：「爸爸工作忙，所以通常都係我負責，自己有到學校做家長義工，爭取多啲時間了解小朋友，大仔喺學校見到我都好開心會叫我Miss Chow。」
姚嘉妮帶埋8歲嘅女同埋5歲嘅仔一齊出席活動，佢話好慶幸o依家細仔已經加入咗小學部，跟家姐一齊返全日制學校，自己有更多私人時間，姚嘉妮話：「平時一家人都會有好多戶外活動，親近多啲大自然減少用iPad係好事，自己嚟緊都要開劇，所以自己好珍惜同小朋友相處嘅時間， 試過夜晚四五點收工，唔落妝瞓覺，等6、7點陪佢哋返學。」
(蘋果日報)
