孫耀威（Eric）與陳美詩（Macy）早前拉埋天窗，結束八年愛情長跑。
由於兩人都好鍾意小朋友，Eric曾透露婚後會盡力造人，估唔到新婚冇耐似乎有好消息傳出喎！
佢哋最近去咗歐洲度蜜月，大歎美食同欣賞靚景，沿途都喺網上分享旅行靚相。
Eric於社交網上載咗一張喺車站前嘅相，仲寫下耐人尋味嘅留言：「不是兩個人的度蜜月旅行。」
加上Macy早前晒出全身相，見佢一臉幸福咁摸肚，唔通真係有好消息？
隨即亦引起網民關注，唔少人紛紛留言問係咪Macy有喜，仲話希望佢哋今次嘅旅行「兩人去，三人返」，預祝佢哋造人成功，可以早日聽到好消息。
(on.cc 東網)
