【早前患上急性青光眼】陳曉東孖住老婆齊齊做Gym

陳曉東早前患上急性青光眼，仲出現頭痛及嘔吐等症狀，但事業心重嘅佢未有休養，反而頂硬上繼續工作，認真敬業！

幸而佢康復情況理想，最近亦不時更新社交網動態，等一班粉絲唔好咁擔心。

呢日陳曉東喺微博上載孖老婆做gym嘅相，背心上陣嘅陳曉東晒出爆肌身材，大騷麒麟臂及胸肌，果然弗到爆！

至於陳曉東太太亦唔輸蝕，見佢輕鬆舉起啞鈴，接住又做提腿等動作，真係體力少啲都唔得！唔少網民都大讚佢哋兩公婆身形弗又健康，仲紛紛向佢哋討教做Gym心得。

(on.cc 東網)