藝人胡杏兒，於十月時在IG宣布誕下囝囝Brendan Lee，話咁快就過咗一個月喇！杏兒今日凌晨喺微博上載咗一張囝囝着西裝打煲呔嘅相並留言話：「滿月當然要穿套西裝慶祝一下!」但就用Apps嘅特效遮住咗囝囝雙眼，令囝囝睇落成個Boss咁，非常招積！雖然只係見到Brendan嘟嘟嘅嘴仔同圓碌碌嘅蓮藕肥手仔，但都覺得非常可愛呀！好多網民都留言祝福囝囝幸福健康，真係人見人愛呀！
依家潮流都興擺百日宴，話等BB個抵抗力好啲同埋大個啲好玩啲。唔知杏兒會跟傳統擺滿月酒定幫Brendan仔擺番個百日宴呢？
(東方日報)
