47歲嘅鍾麗緹日前就俾咗一個驚喜老公張倫碩，就係化身做女僕，特登飛去長沙探班，着住女僕裝嘅鍾麗緹，敲老公酒店房度房門，開門嘅張倫碩當然萬分驚喜啦！
眾所周知，鍾麗緹去年係帶住同兩位前夫所生嘅三名女兒，嫁俾細佢12年嘅張倫碩，大女叫Yasmine Ross，次女嚴稚晴同幼女嚴稚棱，但最近鍾麗緹就將三個囡囡的姓氏全部改姓張，分別叫張敏鈞、張思捷及張凱琳。咁有大陸網民就調侃：張倫碩真的賺大了，估計張倫碩高興壞了吧。亦有網民話，鍾麗緹將三個囡囡全部改姓張，相信佢哋都已經接受咗呢個「新爸爸」。有網民就話，覺得張倫碩同鍾麗緹三個囡囡都相處得好好，佢仲曾經帶過二女同細女參加《爸爸去哪兒》，完全感受到佢好愛錫佢哋，同親生爸爸冇乜分別！無論點都好，幸福就好﹗
(蘋果日報)
