歌手鄭欣宜早前為音樂自立門戶開唱片公司做「一姐」，欣宜在電台錄音訪問中表示：「無論唱歌、做戲抑或整曲奇餅事業都好，我都不斷想學習新嘢，我依家入咗樂壇都有七年，拍劇就拍咗九年，所以係時候向唔同方向嘅嘢去學習，例如歌曲、MV嘅製作呀，唔係單單就咁出嚟唱首歌。」
欣宜去年的《女神》成績很好，但今年在音樂事業上比較平靜，欣宜坦言：「其實我好心急架，我好想追擊，但因為我今年有好多其他機會，而機會嚟係應該要捉緊，因要拍劇同拍電影。雖然我都好擔心會令歌迷丟淡咗，但冇法，我自己又唔識寫歌，都要撞啱啲歌先得。」
問到她的唱片公司可會簽新人？欣宜笑言：「搞掂咗自己先啦，咁我都想不久將來可以簽人。（簽你爸爸鄭少秋？）嘩，黐線嘅，佢唔使任何人搞啦，佢自己搞得掂啦，唔好喇，好驚。」
除了拍戲、唱歌，欣宜的曲奇餅店也搞得出色，不過開餅店初期欣宜都曾經被人睇死，她自嘲：「呢個原來係我嘅命嚟，開頭拍劇、唱歌，都係被人睇死嘅，但我覺得呢樣嘢係好事，好似喺我Pat Pat下面點着咗團火，令我會更加努力做好每樣嘢。」
(東方日報)
