37歲嘅台灣女星安以軒今年3月喺微博宣佈同百億身家嘅CEO陳榮煉結婚，之後6月先後喺夏威夷、台北舉行婚禮，婚後一直過住幸福嘅生活！
不過今日台灣傳媒報道，陳榮煉喺未認識安以軒之前，曾經有過一段婚姻兼且仲有一個8歲大嘅囡囡，雖然最後分開，不過陳榮煉對前妻同囡囡仍然照顧有加，除咗每個月友支付近10萬元港幣（約39萬元台幣）生活費之外，亦好積極參與女兒學校嘅活動。
報道仲話向來愛情至上嘅安以軒，亦好接納呢件事，成日鼓勵老公多啲陪伴女兒，甚至佢本身都同小朋友相處得好好，當正係自己親生女咁看待！其後安以軒透過經理人回應呢件事，佢話：「某周刊報導有誤，陳先生沒有過婚姻紀錄，和我是第一次結婚，每個人在感情上或多或少都有一段過往，我們夫妻向來坦誠以對。現在，我很幸福、快樂，以後也不會再回應相關問題，謝謝大家關心。」
(蘋果日報)
