歌手李蘊到將軍澳為開幕活動擔任嘉賓，身為一女之母的她坦言產後的腰圍接近40吋，現時則減至25吋，問到是否感到滿意，她說：「我反而覺得有啲過瘦，我阿媽話我瘦過以前，睇落係唔健康嘅瘦，要增番少少肥。」
至於會否打算再生B，她說：「如果真係再生要肥啲先，要睇中醫養好身體，谷番肥10磅8磅先再諗。太瘦佗BB唔好，所以要食番多啲嘢，補吓個身體。最快過多半年，等囡囡兩歲先考慮。」
提到愛貓早前離世，李蘊表示愛貓已17歲，已經病了成個月：「醫生話得一兩個星期命，但我一個月後番嚟佢仲OK，但好虛弱，同家人商量帶佢安樂死。我知佢有病嗰時仲唔開心，但係佢捱到一個月好堅強。」
(東方日報)
