藝人（Lisa）育有三女一子，貴為「四B之母」嘅Lisa，照顧仔女嘅生活當然一啲都唔簡單，真係少啲精力都唔得呀！
呢日Lisa喺社交網上載多張帶小朋友去游水嘅相片，見到佢哋都穿上潛水衣，實行家庭裝上陣。相中見到Lisa仲拖住囝囝嘅手仔游水好有耐性咁教，媽媽咁用心，囝囝當然都要有一啲表示先得，所以另外嘅相，就見到佢對住Lisa又攬又錫，場面溫馨！囝囝咁識做，相信Lisa都一定冧晒啦，難怪佢都笑得咁開懷！唔少網民都大讚Lisa係個好媽媽，仲話有位咁錫佢哋嘅媽媽喺身邊，仔女真係好幸福，另外亦有人指陳浩民啲基因實在太強大，因為仔女同佢簡直係餅印呀！
(東方日報)
