森美同伍家謙今日喺中環出席「地球‧敢動日2017」，伍家謙透露剛由日本返港，喺當地為一個相機品牌拍攝，由橫濱行去河口湖，全程接近100公里，沿途見盡好多靚景，雖然佢好鍾意行路，但都行到要拉筋。
至於森美喺大台節目《森美旅行團》中罕有提及太太，更指「愛情……原來有時候要對方唔喺身邊，先覺得需要佢。」森美笑住話：「我喊係因為點解自己咁早結婚，其實因為健康問題（曾患抑鬱症），大家都好珍惜對方，所以相處時間多咗，所以嗰日見到個景，我諗如果佢喺度就好啦，突然感觸啫，好多朋友睇完都話好sweet，不過我老婆就話我講到好似對佢好好咁，但成日都鬧佢，我諗佢都開心嘅。」提到有網民將佢同杜如風比較，森美話：「冇得比，各有各方向，佢係旅遊達人，我係節目主持人，我本身都係佢擁躉，因為我本身都鍾意去日本，大家咁講，對我嚟講係誇奬。」
(蘋果日報)
