內地男星陳曉上年同台灣女星陳妍希結婚，同年年尾佢哋嘅愛情結晶品囝囝「小星星」仲出咗世，一家三口非常幸福，加上陳曉喺香港熱播劇《那年花開月正圓》中飾演沈星移一角人氣再度爆升，家庭同事業都咁美滿嘅情況下，近期竟然傳出陳曉為咗家庭要引退嘅消息。
事源早前陳曉接受訪問時，表示囝囝淨係識得叫媽咪唔識叫爸爸，覺得係時候要休息吓多啲照顧家庭，就係呢句說話，粉絲誤解為陳曉計劃「退出娛樂圈」全心全意照顧家庭，事件持續發酵愈演愈烈。
陳曉本身就未有就事件回應，不過就透過工作室發微博澄清表示：「一直在前行！」相信陳曉嘅一眾粉絲睇到都會安心晒。
(on.cc東網)
