【今個Halloween唔嚇人】黃磊大女「多多」扮公主靚到爆！

黃磊與太太孫莉育有兩女一子，佢仲不時同網友分享其生活點滴，一家五口幸福美滿。

趁住萬聖節，唔少人都會化個鬼妝去應一應節，而一啲家長都會幫自已小朋友打扮得靚靚，等小朋友感受吓節日嘅氣氛，就連黃磊都唔例外。

呢日黃磊就喺微博甫咗張大女「多多」黃憶慈打扮到成個公主咁嘅相。

相入面見到「多多」着住公主裙仲戴住一個頭冠，仲擺晒甫士又托住下巴，十足十Model咁真係靚到不得了！

靚成咁一啲都唔嚇人，難怪黃磊都留言話：「萬聖節不是應該要扮鬼嗎？」而唔少網民都大讚佢囡囡好有氣質呀。

(on.cc 東網)