現年33歲嘅07年亞姐冠軍張珮汶（前名張家瑩，Grace），佢喺亞視熄機前離開，主力搞飲食生意，打理兩間餐廳。Grace去年承認有圈外男友J先生，不過原來已玩完。Grace火速覓得新歡A先生，兩人低調拍拖快一年，近日仲孖咇到峇里出席友人婚禮，兩人疑被喜慶氣氛感染，Grace今日凌晨喺facebook貼圖宣佈喜訊。
Grace貼出英文愛的宣言，當中內文係求婚表白，Grace留言：「Today, facing the Indian Ocean, I said, Yes I would!（今日，面對印度洋，我說，我願意。」Grace喺峇里享受陽光與海灘，佢換上火辣三點式晒身材，同男友A先生預支蜜月，當然sweet爆。所以當男友求婚，Grace願意交托終生幸福。Grace分享接受男友求婚喜訂，好友紛紛喺fb留言送祝福，曾共事亞視好友蔡國威即留言：「好興奮呀My dear，恭喜恭喜，多謝你同我分享呢個喜悅，真係要祝你永遠幸福快樂，Love u.」面對各方好友的恭賀，Grace也回覆眾人留言：「Thx to all!」（多謝大家）
(蘋果日報)
