韓國神劇《太陽的後裔》32歲男神宋仲基今日迎娶35歲女神宋慧喬，兩人由前年拍《太陽》，日對夜對關係擦出愛火，今年7月忽然認戀兼宣佈婚訊，震驚全城。
今日雙宋終於結婚，展開人生嘅另一階段，今次婚禮雙宋嘅保安及守衛相當嚴密，為防被偷拍，雙宋喺婚禮現場即首爾新羅酒店1樓迎賓館門外都派出多位保安守住大門口，以防閒雜人進入會場。
而到香港時間下午1時前，有大陸媒體就成功拍得雙宋喺草地上嘅情況，穿上婚紗嘅喬妹就同宋仲基及家人喺草地上，喬妹穿上低胸婚紗現身，雙宋喺現場同家人拍照留念。
片段中可見宋仲基不時情深望住喬妹，而喬妹為了以最佳狀態見人，可見佢頻頻補妝。
(蘋果日報)
