細細個就已經係靚女。。。
藝人謝芷倫（Jan）以「粗眉」Look上陣，為無綫處境劇《愛‧回家之開心速遞》拍攝分手戲，她說：「今次為咗戲劇效果，我兩條眉都喺化妝上做咗手腳，交代我失戀後大受打擊，個樣都冇執得咁四正，我唔介意扮醜八怪，效果再誇啲，甚至要我以特技妝示人，我都OK架！只要係幫到個演出，我都唔介意被醜化！」
Jan自爆小時候已是「粗眉女子」，她說：「其實我由細到大都算係比較粗眉，細個嗰陣我仲係有啲連心眉，即係兩眉之間，印堂位置有啲稀疏嘅眉毛，
有人話有呢種眉嘅人，比較心胸狹窄，做事鍾意鑽牛角尖，所以我細個成日被人話笑我係小器鬼，我就覺得自己細個只係膽小怕事啫！試過坐校車被人恰都冇出聲，直到返到屋企，媽咪見到我個鼻紅晒，問起先知我畀人搣鼻欺凌！」
(on.cc東網)
