歌手夏韶聲（Danny Summer）在麥花臣場館開演唱會後受訪，他指由宣傳至今20多天已講明要推新碟的歌曲，所以這次演唱會主要唱新歌，但亦有演唱《童年時》等歌曲：他表示：「《空凳》真係冇預過，咪清唱囉。（歌迷大叫其他經典歌嘅歌名？）唱唔到咁多。」
他認為假若今次不唱新碟的歌，出年做大型騷時就可能掉低了這張新碟，因此即使只得很短時間亦決定開此騷：「下年2月搞手就會宣布，紅館嘅，唔係我個人，但係個好特別嘅音樂會，嗰啲由丘亞葵講，應該出年6月。」提到這晚說話不多，Danny解釋想緊湊啲：「咁少日子我哋排唔足，本身應該唱完一首隔3、4秒就唱下隻歌，抱歉我哋做唔到！唔怪得人，係怪時間。（唔滿意表現？）有啲係我自己啫，如果時間夠，可以做得更好。」他指香港歷史上似乎未試過只用20多天開騷，他自己亦未試過，但看到大家的反應已經很滿足。
訪問途中，他的孫兒突然跑來大叫：「我讚你呀！好聽！」Danny抱起孫兒笑說：「真係攞命！佢最鍾意《Chaos》。」問到演唱會上是否很感觸？他坦言見到一位女士喊，令他差點出不到聲：「我諗佢聽到我唱《童年時》同《空凳》。我鍾意頭先嘅《童年時》，平時唔係咁唱，同埋我好少彈木結他。」他認為大家都喜歡這版本，想日後再唱。至於嘉賓小塵埃唱的《結他低泣時》似乎稍欠他的感覺，他說：「唔緊要！佢哋有佢哋嘅Feel。」
(東方日報)
