前港姐陳法蓉（Monica）近年減少幕前工作，多留時間陪伴家人，最近佢趁住秋季天氣較清涼兼生日，同81歲嘅爸爸到台灣旅行。
連日來Monica都有更新社交網站，邊旅遊邊同粉絲與眾同樂，適逢今日（28日）係Monica 51歲生日，前一晚已經喺微博上載多張同爸爸嘅旅行靚相，並有感而發表示好懷念細個同爸爸周圍去玩：
「廿七號～我的生日前席爸爸去哪兒？烏來、鶯歌及三峽～～～小時候爸爸帶我到處玩～～～爸爸已經81歲了～可以常常和他一起去旅行～我覺得很幸福～」
相中見到陳父雖然兩鬢斑白，但係精神狀態十分好，而Monica亦好有少女情懷，攬住爸爸合照，非常之溫馨。
(on.cc東網)
