前港姐冠軍張名雅半年多前誕下兒子Mario，現時她湊仔、拍劇兩邊忙。
成功收身至選港姐時的她，狀態甚Fit現時90多磅，上圍更升Cup！
日前，張名雅就為產後紮肚收身中心擔任代言人，更性感谷胸、露纖腰及玉背上陣拍攝了一輯代言照。
接受媒體訪問時，講到產後首次性感示人。她坦言：「都性感，但平時出活動都有着呢啲Tube dress，初時接呢個廣告時，都有諗使唔使着三點式，不過最後都唔駛。」
說到女人產後變化大，名雅坦言自己大肚時，只肥了十多磅，但因為產後荷爾蒙影響，以前的褲全都不合身。
名雅更表示：「原來生完荷爾蒙變化好大，因為生完啲骨係會軟咗，有啲媽咪會盤骨痛或者有媽媽手，我生完兩、三個星期就開始做紮肚療程同按摩去肚風，好快就收番個盤骨同肚腩。」
(on.cc 東網)
