日前出活動時歌手陳柏宇就話自己因為打打噴嚏而扯傷背脊，不過佢都冇休息密密現身。今日（27日）係符曉薇（Leanne）嘅32歲生日，陳柏宇當然唔會錯過同老婆結婚後嘅第一個生日喇！陳柏宇相當識做咁喺凌晨12點時於社交網上傳二人齊齊慶祝嘅相，相中二人面貼面相當sweet呀！
陳柏宇仲以女神稱呼Leanne，留言中又提大家唔好問Leanne幾多歲，說：「我女神生日啦！（大家記住千其唔好問佢幾多歲呀）」認真細心。
而一班網友都好識做咁祝Leanne年年「18歲」生日快樂，唔知陳柏宇又會帶Leanne去邊度慶祝呢？！
(on.cc東網)
