可嵐今日喺鰂魚涌出席電影短片活動，佢之前以導演身份參加呢個活動，今年用2012年創作，但未公開過嘅歌曲《愛了算了》兼擔當演員。呢首歌提及同前夫分開時心情：「首歌係正面講放下，曾經愛過嘅就算分開我都會愛，將愛變成祝福。」
現時為贍養費同前夫對簿公堂，可嵐今早上庭時，前夫願意支付佢要求嘅一蚊贍養費：「之前佢唔肯俾，到今日終於肯。而阿仔既贍養費我想佢每月俾一萬，希望個仔有穩定生活，其他費用我會努力搵錢。」
同場參加活動嘅Kellyjackie仍然係單身，佢指有認識新朋友，正在了解中，佢笑指好友吳若希都有落力介紹。
(蘋果日報)
