個樣望落鬼鬼地好得意喎。。。
周杰倫（周董）同老婆昆凌結婚冇耐，就生咗囡囡Hathaway，今年6月生埋第2胎囝囝Romeo，湊成「好」字。
做咗父母嘅周董兩公婆，一直保護仔女容貌曝光，從未曝光過佢哋嘅正面相，但近日佢哋向親友發送滿月禮盒，好友陶晶瑩（陶子）開心將油飯禮盒po喺facebook，恭喜周董兩公婆，不過就意外將周董囝囝正面樣曝光。
陶子喺facebook表示：「恭喜周董和夫人昆凌，史上最古典的油飯，羅密歐真俊美，祝福闔家平安。」但就冇將周董囝囝嘅照片打格，結果俾眼利嘅網民見到，雖然陶子喺出po之後即將動態刪除，但已有唔少網民cap圖做備份。
(蘋果日報)
