藝人林盛斌（Bob）自從囝囝林道申（Jaye）出世之後，不時喺社交網大晒囝囝嘅萌照，分享第四度做老竇喜悅！
雖然阿Bob已經有三個囡囡，但係佢對新成員嘅加入一樣好大感觸，今日佢再喺IG甫咗抱住囝囝Jaye嘅合照，仲話：「終於，兩個月了。你記得要乖，好好孝順媽媽，同三個家姐相處得開開心心，做一個善良，正直，有夢想，對社會有貢獻嘅人，知道嗎？各位鄉親父老，叔伯兄弟，我鄭重介紹，佢叫『林道申』，喺正確嘅道路上申明堅志；英文名『Jaye』，因為家姐們都係呢個系列。」
見到相入面嘅阿Bob好深情咁望住囝囝，成個慈父樣出晒嚟！而兩個月大嘅Jaye雖然人仔細細，但就已經識得望住鏡頭，果然盡得爸爸嘅真傳！
(on.cc東網)
