藝人李家鼎（鼎爺）現身盆菜晚宴，他表示過往很多年因要拍劇未能出席，今次定必要跟大家打招呼。
而鼎爺四日後就於郵輪舉行個人Talk Show，元旦更會帶團到華東舉行美食之旅。問是否很有旅行運，他說：「冇話咩旅唔旅行，大家開心吓。（到時會教煮嘢食？）未知呀！到時睇吓點安排。（孫仔會一齊去？）邊度得閒，都唔啱時間，依家唔係帶團去度假。（女友呢？）係師奶！佢都唔得閒，真係去就要去得舒舒服服。」
至於鼎爺將在11月1號生日，問女友有甚麼表示，他笑言：「到時先算啦！唔理咁多住。（想收驚喜？）幾十歲仲驚咩喜，唔通話我知有咗咩！到時驚奇添呀！」
(東方日報)
