楊洛婷（Rabee’a）、江若琳（Elanne）、蕭潤邦（Oscar）、袁偉豪、苟芸慧等今日到沙田馬場參與公開活動，今次係Rabee’a自上月中誕下愛女黃子霏（Tanya Faith）後，產後首度復出，佢着上粉紅色裙上陣。
Rabee’a話今朝餵完奶後就出嚟做嘢，佢話開工前先揼定奶儲起，問到奶量夠唔夠？Rabee’a話：「先唔好講奶量，講BB食量先，啱啱滿月大啲嘅佢已經飲3、4個月大BB食量，前晚更破紀錄喺1個多小時內飲咗375毫升，佢已經有3下巴，估計超過10磅，但醫生話可以，唔需要減磅。」
o依家Rabee’a每晚都9點幾瞓，留待老公黃天翱（Tim）負責餵凌晨12點嗰餐奶，Rabee’a自己會喺凌晨4點先起身再餵。
(蘋果日報)
